السلام عليكم اختي . امل فريد ممكن تفسريلي حلمي
حلمت انى في باص واختي الكبيره نزلت ولاقيت ٢من صديقاتها بيتكلمو عليها كلام سئ ف دافعت عن اختي وقتلهم جزمتها اشرف منكم واستغربو ماكنوش يعرفو انى اختها وسمعتهم ونزلت من الباص.
وكانت صاحبتي مستنياني وماشيه جمب 4 شباب أجسامهم كلها عضلات وكنان واحد منهم معجبه بي. بس لما مشي جنبي قولتله انت كبير زي الدولاب ف مبقتش عايزاه وبعدها كلمني ع الموبايل وبقي الممثل محمود ياسين وعشان أنا رفضته ومبقتش عايزاه قالى انت اصلا في بنتين بيساعدوكي وبيصرفو عليكي بيضايقني ف الكلام عشان عايزني اكمل معاه . قولتله انا؟ دي فاطمه صاحبتي اللى من الطفوله أنا اللى بساعدها في المصاريف والبنت التانىه برضو أنا اللى بساعدها .. منك لله يا محمود أو الله لا يسامحك يامحمود.
وبعدها روحت أنا ومنال صاحبتي ع بيت حد مشهور ف سوشيال ميديا وكنا عندو ف الصالون وكان نايم ع الأرض ورافع رجليه الاثنين وساندهم ع الحيطه .. وكان بيحكيلنا وهو فرحان وبيضحك أنه فاتح والدته عليا وهي قالت له انى أنا طيبه جدا جدا وبتشكرا فيا وانى مطلقه .. ف قولتله اه مهي عايزة واحده حربوقه تتخانق معها .. وقولت لنفسي عشان ابنها متجوزش قبل كده ف مضايقه انى منفصله ودي اول جوازه له . وكان عمره هو ف الحلم ،28 .
بعدين روحت لبيتنا بس كانه ف حاره أو كأنه ماشيه ف سوق ودنيا ضلمه ولاقيت اتنين رجال ومعاهم عيل صغير ع موتسكل وخفت يسرقو مني الموبايل ف خليته الموبايل ف رجل البنطلون اليمين من تحت وانا بوطي كده واحد من الشابين نزل من ع الموتسكل عشان يصورني من وجهي عشان الشاب اللى ع الموتسكل قاله صورها بس.. وكان مبتسم ومبسوط . وبعدها روحت البيت وكان باب الاوضه خشب ابيض وموارب كده وانا واقفه وبرضو لاقيت الشاب هو نفسه بيقول للشاب الثاني صورها بس وبرضو مبتسم وانا كنت خايفه هيعمل ايه ف الصور دي خفت ليركبها ع فيديو وحش وكان البيت منور جدا
التعليقات
السائل
الرجاء التفسير من اى مفسر
منذ 14 أيام
السائل
أ. اميره في انتظارك صارلى 4 ايام بانتظار مفسر
منذ 12 أيام
السائل
السلام عليكم ورحمة الله وبركاته
انا للتو استلمت رؤيتك كيف حالك عزيزتي
منذ 12 أيام
السائل
ثانيا انت طلبت مفسر بعينه لذلك لم يأخذها احد المعبرين
منذ 12 أيام
السائل
الله يحفظك الحمدلله .. اتمنى تكونى بخير
منذ 12 أيام
السائل
الحمد لله في نعمة
اعطيني وقت لقراءة و دراسة رؤيتك لانها طويلة
منذ 12 أيام
السائل
بسم الله الرحمن الرحيم و الصلاة و السلام على أشرف المرسلين سيدنا محمد خاتم الأنبياء والمرسلين صل الله عليه و على آله و صحبة و سلم
الجزء الأول اللي فيه أختك الكبيرة ونزولها من الباص، ولقاءك بصديقاتها اللي بيكلموا عليها كلام وحش، ده معناه إن ربنا مديلك قلب حامي للناس اللي بتحبيهم، وبتدافعي عنهم حتى لو مش قدامهم. وده كمان إشارة إن في حياتك في ناس بيتكلموا من ورا ظهر الغير، وانتِ ليكي نصيب تكشفي حقيقتهم وتردي كرامة اللي بتحبيهم.
أما الجزء اللي مع الشباب أصحاب العضلات، ده بيعكس إنك ساعات بتنجذبي لمظاهر أو قوة شكلية، لكن أول ما تقربي تلاقي إن اللي جواهم مش على مقاس قلبك، فترفضيهم. وتحول الشاب لمحمود ياسين في الحلم، ده بيدل على شخصية ممكن تكون ظاهريًا قوية ووقورة، لكن في الحقيقة بيحاول يضايقك بالكلام أو يضعفك نفسيًا. ردك عليه في المنام دليل إنك مش بتقبلي ظلم ولا اتهام باطل، وإنك واقفة على أرضك.
المشهد اللي مع منال وصاحب السوشيال ميديا، ووالدته اللي بتسأله عنك، ده فيه بشارة. معناه إن في كلام عنك بالخير وسط ناس، وإن في حد بيشوفك طيبة وحنونة. بس تعليقك على فكرة "مطلقة" ودي أول جوازة له، ده بيعكس خوف داخلي عندك إن الماضي بتاعك يبقى سبب إن حد يتردد أو يخلي أهله يتدخلوا. لكن لاحظي إن البيت منور جدًا آخر المنام، ودي إشارة نور وبداية خير ليكي إن شاء الله.
الجزء الأخير بتاع الموتوسيكل والتصوير فيه رسالة تنبيه. معناه إن في أشخاص بيراقبوك أو ممكن يكونوا بيحاولوا يتدخلوا في حياتك من بعيد، ويمكن يحاولوا يستغلوا ضعف أو لحظة غفلة. لكن ضحكهم وابتسامتهم في المنام مش للشر قد ما هو إشارة إنهم منبهرين بيكي أو عايزين يجذبوا انتباهك. خوفك من "الصور" يركبوها على حاجة وحشة بيعكس إن جواك توتر من فكرة التشويه أو إن حد ينسبلك حاجة مش فيكي.
الخلاصة يا حبيبتي:
المنام فيه رسائل إنك بتحمي اللي بتحبيهم، وبتكشفي الزيف، وإنك ساعات بتتأثري بكلام الناس أو نظرتهم ليكي، لكن نور بيتك في الآخر معناه ستر من ربنا. عندك قلوب بتحبك وبتشكر فيكي حتى لو في ناس بتحاول تزعجك
منذ 12 أيام
ماذا تنتظر؟ قم بتنزيل التطبيق الآن مجانا
في حلمك ، نساعدك على الحصول على استشاراتك بسهولة من خلال أفضل الاستشاريين في مجال تفسير الاحلام
