حلمت اني في الشارع و جاني المشهور عزيز مسمار بسيارته كانت جيب اسود قالي تعالي اوريك طريق بيتنا و انا ركبت ورا وكان الطريق بيتهم مرره طويل يمر من حارات كثير وياخذ لفه طويله يوم وصلنا الا طلع بيت جدتي القديم بس بالحلم كان البيت لخالي و دخلت الا اخت عزيز كانت تكلم عزيز بالجوال بس مو حاطته باذنها لا منزله الجوال وجا رجال غريب وكان ممنون لعزيز كان عزيز مسوي له معروف وهو يبي يرده له اول ما شاف هذي تعرف عزيز استغل الفرصه و قال ابيك توصلين هذا لعزيز ومد حوض فيه سمك البيتا يمكن ٦ حبات او ٥ وكان ملون وكانت بين السمك سمكه بيضا منورره يطلع منها نوررر ومنوره الحوض وانا اعجبتني مره واذكر الله اقول ماشاءالله اخاف انضلها الا النور يطفي وانا اخاف عليها واذكر الله واقول ماشاءالله تبارك الله والحمدالله رجع لها النور واروح للمطبخ ولقيت بنت خالي عند الغساله واحط الحوض فوق الفريز المنسدح والف لطاوله كذا باخذ شي وارجع بنفس الثانيه الا اشوف الحوض موب فيه واقول ويييينه! الا قالت اخت عزيز حطيته بالفريزر انا خفت على السمك يموت وافتح الفريزر واشوف بدا يجمد الحوض وتقول لي خالتي حطيه بالمويه يمكن يرجعون يحيون وانا اشيله على طول اوديه للمغسله وكانت المغسله فيها سمك كثييييير كثيييير وملون واحط الحوض معهم الا يوم بدا يذوب ويعيشون جت بنت خالي وسحبت المويه هنا انا خفت على السمك كله حاولت قد ما اقدر اخذ السمك الحي الحق عليهم واحطهم بيدي حتى فيه سمكه متقطعه بس شفتها حيه اخذتها وصحيت