خيراً أن شاء الله تعالى ولا يهمك اخي الكريم .... في البداية هوضح لحضرتك بعض معاني الرموز الواردة في الرؤية من باب العلم .... الطائر الأبيض رجل خير من اهل الخير أو رجل طيب أصيل لا ياتي منه الا كل خير سواء كان غني أو فقير .... الطائر الأبيض الغريب المجهول في الرؤية خبر واخبار وحدث يحدث .... ولادة الطائر تفسيرها انه انسان مش طائر ولادة الطير بريش كامل تفسيرها انه انسان معها مال بمعنى رزقه موجود وكثير الريش رمز تفسيره مال ..... كلام الطير في الرؤية رمز تفسيره حدث عجيب أو يستدعي التعجب من صاحبت الرؤية .... وكلام الطير تفسيرها يتحقق كما تكلم إذا نطق كلمات مفهومة وواضحة ... انا شرحت بعض تفسيرات الرموز لحضرتك من باب الفهم والعلم بالمعاني .... هفسر لحضرتك الرؤية لكن انا هنا بخاطب صاحبت الرؤية بالتفسير مش حضرتك .... الرؤية تفسيرها أبناء حضرتك الصغار هما الطير الأبيض وولادتهم من بعض تفسيرها انهم من بطن واحدة ورجل واحد وانهم وراء بعضهم بفارق سن قليل مش كبير .... بالنسبة للزوجة تفسيرها ٣ أخوات من أصل طيب ورزقهم معهم مش محتاجين رزق لكن هما ظهروا مع بعض بدون ما يظهر جنبهم اب او ام وطلبهم الحماية من حضرتك تفسيرها انهم محتاجين الشعور بالأمان بعد فقدانهم للأم مصدر الأمان السابق لهم ..... الرؤية تفسيرها انه أبناء زوج حضرتك جاؤوا لحضرتك اغنياء مش محتاجين أموال منك ولكن محتاجين من حضرتك الشعور بالأمن والإمان والاستقرار في البيت بدون خوف من طردهم أو ابعادهم محتاجين الشعور بالطمأنينة بعد زواج حضرتك من والدهم.... وهما أبناء طيبين محبين للخير والحياة ومش هيجي منهم غير كل خير للأسرة الكريمة ان شاء الله تعالى ..... والله إعلم ربنا يبشرك بالخير دايما يارب 💚💚

هل الرؤية انتهت على طلب الطيور البيضاء الحماية من الزوجة فقط ولا خدتهم فعلآ وحمتهم حاول تعرف منها ربما يكون في باقي للرؤية وهي نسيت لان الرؤية تتكلم عن الأبناء ومستقبلهم مع زوجة الأب

ايوه انا فاهم انهم مع الزوجة الأولى بحكم الحضانة لكن الرؤية تخبر انهم هيجوا عند حضرتك مستقبلآ ويكونوا خايفين من الزوجة الثانية لأنها مش امهم ودا الطبيعي في البداية .... عشان كدة كنت بسأل هل الزوجة قبلت حمايتهم ام لا وخدتهم عندها سكنوا في البيت ام لا لأنه الرؤية تتحدث عن علاقة الأبناء العصافير الصغار البيض مع زوجة الأب في المستقبل

امين يارب 🤲🤲 ..... هقول لحضرتك نصيحة اخوات من باب الخبرة في هذه الظروف لأني انا رجل كبيييير واتدخل في الصلح بين الأزواج والمطلقين كثيرآ .... نصيحة اخي الكريم لا تستسلم وتقتنع ابدآ انه اطفالك ممكن يكرهوك فعلآ مهما اقنعتهم امهم ..... حاول تحافظ على علاقة معهم لا تنقطع وهتلاقي البنت الكبيره تتصل بيك من ورا مماتها وتلاقيها زعلانه منك وتبكي عليك وهتلاقي الأولاد بعد ما يكبروا شوية يدوروا عليك عشان يعاتبوك على تقصيرك معهم.... العيال مش هتفرط فيك لانك ساكن في قلبهم وطالما بيسمعوا منك كلام حلو ومفيش اي كلام كراهية هتفضل ساكن في قلوبهم ..... أطمن اخي الكريم هي فترة وتعدى على خير وترجع تشوف عيالك وتفرح بيهم تاني ان شاء الله تعالى