حلمت إني في بيتنا بس فالدور الثاني اللي احنا مش ساكنين فيه ورغم إن الشقة غير موجود بها كهرباء بس كانت مضيئة جدا ولقيت كل شباب عيلتي جايين و زوج اختي معاهم وكان شكلهم حلو كلهم قولتلهم ننزل نقعد تحت احسن زوج اختي قالي لا هنا احسن قولت هنزل اجيب 14 كرسي عمرو ابن عمتي قالي هاتي 15 و وانا بشوف الحاضرين لقيت بينهم اخويا المتوفي وكان لابس لبس حلو وبيضحك معاهم و نزلت اجيب الكراسي قابلت والدي الله يرحمه وكان شكله فالتلاتينات من عمره وحلو اوي وقولتله انت بقيت حلو وكويس اهو قالي الحمد لله كرم من ربنا ونزلت اجيب الكراسي كنت خايفة ملاقيش العدد دا بس لقيت كتير و زادوا عن العدد المطلوب وطلعتلهم لقيتهم كلهم مبسوطين و فيه حلويات اجواء فرح يعني وزوج اختي بيتقدم لاختي تاني ومبسوط وموافق على الشروط ( علما الحمدلله مفيش مشاكل بينهم وهو حاليا مسافر) وقولت في نفسي لما عمرو ( الشخص اللي اريده) يتقدملي نقعد نفس نتفق فالشقة دي برضو احسن من تحت، ونزلت ابشر امي بالفرح وكانت مبسوطة وصحيت من المنام حاسة براحة ممكن التفسير و جزاكم الله خيرا