كنا نازلين مصر وكنا فبيت جدتي ل٤ ايام تقريبا وكانت خالتي مو مضبوطه بالذات فاخر يوم والايام كلها كانت غريبه وكان شعور وحده يعني مافي احد يزورنا ولا نزوره، اخر يوم كنا بنسافر وبابا كان بيجينا بالسياره ياخذنا واحنا كنا نجمع اشيائنا واحنا نجمع خالتي كانت برا البيت وجايبه اشياء معاها بس مانعرف وش هي ف يوم قربنا نخلص تجميع كان فينا شعور خوف وتعب انا وأهلي وقعدنا نرتاح شوي بعدين جدتي كلمت خالتي وقالت لها "ليه ماتحملين" ردت خالتي عليها "اخاف يصير لي شي او يصير للبيبي شي بسبب الشي اللي قلت لك عنه" وخالتي راحت تغير لبسها ولبست لبس غريببب اسود فاحمر وضيق وجسمها كان مره مو حلو يعني وشكله مو واقعي ولابسه سلسال كأنه سبحه، المهم بابا اتصل وقال لنا انزلو الحين حالا ضروري فماما اخذت اشيائنا الا جوالي وكم شي انا ما أخذته فنزلنا بسرعه وانا حضنت خالتي بقوه وباستني بوسه على كتفي ماهي مريحه وجسمها كان كأنه liquid بعدين نزلنا وانا عالدرج كنت حاسه بدوخه مو طبيعيه بس كملت نزلت وكان في ناس متجمعين حول سيارة بابا لانها وصلت للبيت وصارت ما تشتغل وحاولو الناس فيها وقربنا نشوف الوضع وكان بابا يبيني انزل تحت السياره اسحب شي بس هو المفروض يتولع بعدين قلت لا أخاف ومابي فوخرت وبابا سواها ومدري وش صار بعدها (كل ذا خالتي كانت واقفه تناظر من بوابة البيب بالجنب بعدين طلعت بعدها بشوي) فكنا بنمشي وقلت لماما ان جوالي فوق ماجبته وعصبت وقلتلها كنا مستعجلين فطلعنا انا وماما واخوي بس (اخوي كان مبين عليه تعب مو طبيعي وقتها) طلعنا عشان نجيب الباقي واجيب جوالي فأنا كنت اشيك على كل مكان اذا ناسيه شي وكانت شنطة خالتي على كرسي فالصالة ففتحتها لان كان فيني فضول وكنت شاكه فيها ولقيت. ورق كثير: ورقه لحالها عليها رسومات جن ومكتوب عليها طلاسم منها حل وسحر ومذكر وش بعد بس كانت الورقه كأنه جدول ومقسمه يعني وبالابيض والأسود الورقه الثاني اتوقع كان فيها كلام بس طلاسم والورقة الثالثه فيها طرق سحر وتحذيرات معها ان بيصير للساحر شي فالمقابل. *هنا نرجع للموقف اللي صار فاول الحلم لما جدتي سالت خالتي ليه ماتحملين* ومع الورقه هذي في وراها أوراق كثيرر فاضيه بيضا ومدبسه معها كانها اوراق فعاله للسحر يعني بس فاضيه ف انا شفت كل شي ورجعته للشنطه ومحد لاحظ وصرت مدري وش اسوي بس اعرف اننا فخطر بعدين بابا طلع لاننا طولنا وشاف الوضع وكذا وخالتي ماكانت موجوده او كان مغمى عليها على كرسي فالصاله ما اتذكرر وبابا قعد جنب الكرسي اللي عليه شنطة خالتي فاستغليت الفرصه ووريته الاوراق وشرحت له المكتوب وهو خاف مره واستغرب واحنا سرعنا نخلص وننزل وانا اخذت الاوراق معاي عشان ماتسوي فيهم شي لو ماسوت قبلها. رحنا بالسياره واحنا خايفين مره، لحظه الاوراق ماكانت فاضيه. اللي كنت احسبها فاضيه لا ماكانت فاضيه كان مكتوب فيها كيف بنموت ووش بنمرض او وش بيصيبنا. واحنا فالسياره قعدت اقرا اية الكرسي وسورة الفلق كثير وبصوت عالي بعدين رجعت للاوراق لقيت مكتوب فيها ان السحر ذا معقد مره والسور او آيات التحصين ماتحمي منه. بعدين وقفنا فالطريق وماما وبابا وقفو فمكان وصار انفجار ونار كثير ضربهم وماتو واخوي اتوقع انه كان مغمى عليه فالسياره او صاير له شي اذكر صار بعدها مشهد مع خالتي بس ما اذكر وش هو ابدا. ماما فالحلم كانت كل شوي تتوهم ان في عين تنتظرنا من باب بيت جدتي وانا اقولها مافي شي ولما نزلنا لاحظت خيط ينسحب من عبايتي من تحت ولاحظت نفس الخيط ملفوف حول كفر السياره او شي فالسياره من تحت ووقتها صدقت ان كان في عين وهي اللي تسحب خيط عبايتي. --- مع العلم اننا مقاطعين خالتي هذي لنا اكثر من سنه بسبب مشاكل صارت بينها وبين امي وخالتي هذي تزوجت قريب