حلمت حلم كان الصبح مش قبل الفجر مع العلم اننا علاقتنا انتهت من شهر ٩ مش بنتكلم و مكناش مخطوبين الحلم هو ( كانت مامت اللي كنت بحبه و اخته عندنا في البيت بيعملوا حاجة مع ماما و ماما و مامته علي اتفاق و بيهزروا و بعدين مامته مشيت بس اخته كانت لسه عندنا بعدها اختي و مامتي نزلوا علشان يوصلوها و هو كان تحت في العربية و ركبوا معاه انا شوفته من البلكونة و كنت طالعه البلكونة بشعرى و انا اصلا محجبة و هو شافني و بص عليا بس كله قالي لا ده مجاش لا دول ركبوا تاكسي و هو مكنش موجود مع اني شوفته و بعدين كنت بتكلم مع بابا ازاي اخته يسبوها كده و محدش يجي ياخدها و احنا اللي نروح نوصلها و بعدين مامته عزمت ماما ان احنا تاني يوم نروح عندهم تقريبا عزمت ماما او حد احنا نعرفه و كنت بفكر طيب احنا هنروح ليه و لو روحنا هيبقي موجود و لا لا بعدها كل حاجة اتغيرت و لقيت نفسي عندهم في البيت و بابا و عمي الكبير كانوا معانا و جدتي و واحدة انا معرفهاش و كانوا بيسلموا علي عمي بس مش بيسلموا علي بابا و واضح انهم يعرفوه بابا قال لعمي قولهم ان انا اخوك و كانوا متجاهليني انا كمان كأنهم مش شايفني و محدش فتح معايا موضوع في اي حاجة و بعدها اخته جابت شربات و قالت للناس جبتلكم حاجة تشربوها بس مكنتش عارفه توزع فكنت بساعدها ففضلت في أيدي كوباية شربات بس في كيسة شفافه و فيها حاجة انا مش فهماها هل هي شربات مكبوب ولا ايه و كنت جاية احطها علي التربيزة مالت و اتكب منها شويه في الكيسة بس شكل الكوباية كانه متكبش منها حاجة بس مكنتش ثابتة سيبتها و اخوه في الحلم بس مش اخوه في الحقيقه دخل يسلم علي عمي بردو بس انا كنت بقول مين ده مستغربة شكله و بقيت اقول هو في ايه بيحصل و بعدها اللي كنت بحبه ده ظهر انا دورت وشي اول ما شوفته و كنت بضحك بس مش عايزاه ياخد باله لاني انا و هو مش بنتكلم و قعدت الف علشان ميشوفنيش بس هو لمحني و فضل عينه عليا لحد ما سلم على عمي و كان هيسلم علي بابا انا مش متذكرة سلم ولا لا و بعدين باباهم بس هو مش شكل باباهم في الحقيقه جه يسلم علي عمي و بيبوس ايده و انا قاعدة اقول هو في ايه هو ايه اللي بيحصل ده بابا قال لعمي عرف الناس بيا علشان محدش بيسلم عليا و فكرني غريب و قاله و كان هيتعصب قولهم اني اخوك فهمي وقف و كان هيتكلم بس كان كله بيتكلم مع بعض فانا قولتلهم بصوت عالي شويه جماعه ممكن نسمع علشان يركزوا معاه و رحت عند جدتي حطيت أيدي علي رجليها و قولتلها عارفه تشربي و لا اساعدك كانت بترفع الكوباية و بتشرب الشربات و فضلت قاعدة عندها و هو كان بيبصلي و كنت هدخل المطبخ اساعد مامته بس الحلم خلص ده معناه ايه