انا كنت عند اخويا الكبير ف الشقه وخطيبي كان قاعد معايا وبعدين مشي ف اخويا الصغير اجا ياخد العجله م الشقه هو اخويا الصغير كان عنده عجله بس اتباعت م زمان المهم ف اخويا الصغير نزل وانا كنت لسه ف الشقه ف فتحت الباب قولتله استناني هلبس واجي معاك وبعدين قفلت الباب والمفروض رايحه البس لقيت خيال ف الحمام بس هي الشقه هيأتها الي احنا قاعدين فيها الوقتي بس انا كنت عند اخويا الكبير وبعدين لقيت 3 هما ع شكل عفاريت بس انا عارفاهم انا م عارفه احدد مين دول بس هما 3 بنات بس تحسهم عفاريت انا فضلت اصوت وصوتي م طالع وخرجت م الشباك انده ع اخويا الصغير محدش سامعني وبعدين في ست وقفت تحت تبص ع الشقه وانا اشاورلها بس هي م شيفاني وبعدين مشت وانا اكمل صويت ومليش صوت وال 3 دول بيضحكو واتكلمو معايا بس انا م فاكره ويقربو مني وأنا اصوت وجيت ارن ع ماما عشان اقولها تلحقني حد من ال 3 دول رن واتكلمت بصوتي وقالت إن انا هقعد شويه ف الشقه ف امي مردتش وقامت جيالي اول م الباب خبط هما اختفو وقالولي اني لو اتكلمت هيأذوني فتحت الباب وببص لامي بصدمه قامت اخداني ومشيت معاها وانا عايزه احكي بأي طريقه كل م اجي اتكلم ابص ع امي الاقي عند رقبتها كد عين زينا عادي وتبرقلي جامد اول م اسكت العين تتقفل