هوا انا بحلمه وانا عندى 8سنين لحد دلوقت بحلم بيه أن انا بمشي مابين المقابر والمقابر دى فيها ناس كتير بتبيع لبس زى مزار ناس علي جمبي اليمين وناس علي جمبي الشمال وانا ماشيه في النص مابين المقابر والناس والمقابر دى فيها ورود كتير أشكالها غربيه اوى وانا بكلم الناس وبسال انا فين محدش بيرد عليا ولا حد شايفني لحد ما وصلت قدام مقبره مفتوحه وليها سلالم ومعموله السلالم دى من دهب انا نزلت السلالم دى وتحت الارض قصر من العصر الفكتورى ومعمول من الدهب وعلي الحيطان صور ناس كتير في التاريخ انا مش عارفهم بس انا شوفتهم قبل كدا ولقيت راهبه و قسيس واقفين مع بعض يتكلموا وصلت لحد عندهم ولقيتهم بيكلموني بلغه انا مش عارفها بس فهمتها في الحلم وكانوا بيقولوا انتي كنتي فين اتاخرتي علينا بقالنا سنين مستنينك تيجي وانا كلمتهم بعشم كأني عارفهم بس بلغتهم وسيبتهم ومشيت في ممر طويل واخر الممر لقيت باب كبير اوى واصل للسما وكله بالدهب والياقوت وعلي الباب لوحه ليا فيها صورتي مرسومه بالخيط حاولت افتح الباب دا حد مسك ايدى وصوت غليظ بيقولي اوعي تفتحي الباب دا وهوا بيزعق وكأنه غضبان اني بحاول افتح الباب وبعد كدا بقوم من الحلم