السلام عليكم، حلمت ان صاحبي ( احنا ف الحقيقة عزيزين على بعض) قاعد مع واحد صاحبه وانا دخلت قعدت معاهم وكنت كأني بين اليقظة والنوم وهما مش واخدين بالهم من وجودي ولقيت صاحبي بيتكلم عني وحش ب حاجات مش فيا مع انه يعرفني كويس اني مش كدة ف لما سمعت كلامه عليا زعلت اوي وخرجت ولما قابلني بعدين لقيته بيضحك ف وشي عادي قولتله ازاي هو كدة وهو ف ضهري بيتكلم عني بكلام وحش وغلط وهو عارف اني مش كدة ف زعل اوي اني عرفت وحاول يصالحني بكل الطرق ويجيب ناس من اهله علشان اسامحه، وف الحلم كنا شغالين مع بعض ف شغل كأننا بنعمل واجهات عماير عملاقة طويلة جدااا لدرجة اني كنت بخاف من منظر الارتفاعات وانا شغال، عماير غير واقعية اكتر من ١٠٠ طابق واكتر واكتر.
ملحوظة: انا حاليا بمر بوقت صعب الله يعافينا.
شكرا
التعليقات
المستشار
حياك الله اخي الفاضل
منامك هذا يدل على محنة تمر بها يكشف الله لك بها وجوه ناس ظننت انهم اصدقاء
المنام يشير الى أهمية ان تكون حذر وتدقق فى من حولك وابشر سبحان من جعل فى كل محنة منحة
الله يعافيك ويوفقك
منذ 138 أيام
المستشار
فضلا لا أمرا لا تنسي تقييمي ودعمي بكلامك الطيب وتقييم التطبيق وسرعه الرد وشكرا لك على ذوقك
منذ 138 أيام
السائل
الله يكرمك حاضر من عيني جزاكم الله خيرا ولكن عايز اقول حاجة بتحصلي الفترة دي وحاسس ان ليها علاقة مهمة ب الحلم لو أمكن الله يكرمك ويجزاكي خيرا يا اختي
منذ 138 أيام
المستشار
تفضل اخي الفاضل
منذ 138 أيام
السائل
الله يكرمك اشكرك لرحابة روحك
انا الفترة دي بمر بحالة نفسية صعبة جدا بصراحة الله يعافينا والسبب ان كان في علاقة حب وانا كان قلبي موافق على البنت ولكن عقلي لا بسبب حاجات ف اسرتها وطباعها كنت حاسس انها مش هتناسبني وهي انخطبت من اسبوعين تقريبا، هي حاولت معايا بصراحة ولكني ماكنتش قادر اخد قرار بسبب صراع قلبي وعقلي بس الغريبة ان بمجرد ما انخطبت بقت تنزل كلام حب على خطيبها كأنها مكانتش بتحبني زي ما كانت دايما تقولي، انا خالتي النفسية صعبة جدا بصراحة الفترة دي بين الم الفراق وبين الاحساس اني انا اللي ضيعتها وبين الاستغراب من تصرفها وتحول مشاعرها بسرعة كبيرة، افيديني الله يخليكي هل ف الحلم اي إشارة لحل او توجيه او اي شئ يساعدني؟
منذ 138 أيام
المستشار
اولا شكرا على كلامك الطيب
قبل التفسير اخى الكريم... الدين النصيحة قلنا لمن يارسول الله قال لله ولرسوله وللمسلمين ...
انت لم تحسم قرارك وتمت خطبتها من قبل شخص اخر فلما تراقب حسابها انا على يقين انها كانت تكتب ذلك لتغيظك لانها شعرت انك لم تقدرها او انها من النوع الذي لايهمه سوى الخطبه والزواج عموما بغض النظر عن الشخص وانت كنت مشروع خطيب وفشل
،، على كل حال تعلم ان تطوى الصفحة التى تنتهي فى حياتك ولا تعود اليها درس تعلمناه ونمضي بحياتنا والله يعوضك بالاصلح
ربما تكون مغترب عن اهلك،، فزاد عليك الهم والغربه،، واقتنع بقرارك انت صح ان كان بالاهل مايشوب فلا داعى لهذه الزيجة
قال رسول الله تخيروا لنطفكم فأن العرق دساس
ابشر بحياتك القادمة وفقك الله
منذ 138 أيام
السائل
فعلا هي أهم ما يهمها هو الزواج ولا اعيب عليها ذلك ولكن اكتشفت دة بعد ما شوفت شواهده واما عن الهم فهو في ذروته والحمد لله راضي بقسمة الله ولكنه الألم لا يخضع لقرارات العقل او التوجيه، شكر الله لك مجهودك يا اختي الله يجزاكي الجنة وهكتب تقييم حالا دلوقتي وما وفيناكِ حقك وسألتك بالله ان كان هناك في حلمي اي إشارة او دليل او رسالة من الله تساعدني فيما انا فيه ان تخبريني بها
شكرا جزيلا اختي الغالية.
منذ 138 أيام
ماذا تنتظر؟ قم بتنزيل التطبيق الآن مجانا
في حلمك ، نساعدك على الحصول على استشاراتك بسهولة من خلال أفضل الاستشاريين في مجال تفسير الاحلام
