السلام عليكم بحب شخص وكنت بصلي استخارة هل أكمل دعاء بيه ولا لأ وحلمت إني ماشية في الشارع وبعدين عديت على محل أدوات مصنوعة من الحديد ولقيت الناس جوا المحل بتبصلي باستغراب وولد صغير بيحاول يدايقني ومردتش عليه وبعدين طلبت زمبلك عبارة عن لولب حديدي مرن بيشيل أوزان خفيفة فخدته وجربته قدام المحل وقولت حلو هينفعني وبعد كده لقيت المحل بقا على محطة القطر والقطر وصل وكان فيه ساعات متعلقة تبع المحل فرفعت نفسي على أطراف رجلي عشان أعلق مفتاحي مع الساعات على ما أختار واحدة وعجبتني ساعتين بس واحدة عجبتني أكتر من التانية وقولت لازم أبقى أجيبها دي تحفة وكانت ذهبية وجميلة بعدها سمعت صوت واحدة جارتنا بتنادي عليا من جوا القطر والقطر كان بعيد قالتلي يلا عشان بابا وماما مستنيينك هنروح واحنا أصلا في بلدنا قولتلها هو لازم دلوقتي قالت اه وبعدين فيه واحدة جت تسرقني ومحفظتي كانت في جيب البنطلون ( للعلم مش بلبس بناطيل ) وأنا لسه بتفرج على الساعات وطنط دي كانت عمالة تحذرني وجريت ناحيتي والبنت هربت وبعدها طنط قالت يابنتللل دي سرقت البطاقة