هما حلمين الحلم الاول اني فى اتيليه بجيب فستان فرحي وبلبسه والدتي شافت شكل الفستان مش حلو ومنفوش اوفر عليا بصيت ف المرايا لقيت فعلا كلام والدتي صح ومحبتوش عليا وانا بقول لصاحب الاتيليه أن عايزه فستان تاني قالي مينفعش ومفيش وقت لقيت الفستان خياطه بتفك من بعضها فضلت اعيط واقول مش عايزه الفستان دا الراجل قالي هخيطهولك وخيطه وهو عليا بس برضوا شكله معجبنيش فضلت اعيط واقول مبقاش فيه وقت ولسه مروحتش الكوافير ازاي هتصور صور الفرح بشكلي دا لقيت العريس دخل وكان شاب شكليا كويس وعيونه زرقه والمفروض ف الحلم أن الشخص دا قريبي من ناحية والدتي وف شخص فعلا قريبنا يشبه بس ف الحلم مش هو المهم وكنت ببصله بأعجاب بس ف نفس الوقت مش عايزه اتجوزه برغم اني معجبه بيه وهو كان مبسوط بيا جدا وماسك ايدي وانا ف صراع م بين اني حباه واني مش عايزه اتجوزه وفعلا سيبته ومشيت واتقابلنا تاني ف جنينه كبيره كلها زرع اخضر كان قاعد ع ترابيزه مع واحده فضلت ابصله بندم اني سيبته وبلوم ف نفسي اني ضيعت عمري ف الرفض ومبقاش ف حد مناسب ليا اتجوزه وصحيت ع كدا دا كان حلم امبارح .. حلمت النهارده حلم غريب برضوا أن أنا ف حد اتعدى عليا وحملت ف اربع اطفال تؤام ولادين وبنتين ويوم ولادتي والدكتور بيولدنى قالي مش قولتلك أن كل شر جوه خير وابتسملي روحت بيت بابا بأولادي وفجأه لقيت ف مشاكل بتحصل بين بابا والجيران وجوز خالتي وفجأه لقيت حيطان بيتنا وللمبات بتولع وولادي اختفه وقتها افتكرت كلام الدكتور وضحكته وشكيت أن هو اللي خطف ولادي طلعت اجري ع المستشفى والمكان اللي فيه ولادي كان طريق صعب كان عرضه نص متر و الارضيه شبكه تحتيها بحر فيه سمك وحيتان كل لما احاول اعدي القي السمك واليتان بيتجمعه عندي وبيحاوله يكسره الشبكه المهم مشيت من اتجاه تاني أرضيته عاديه بس ملحقتش اوصل لولادي والدكتور حطهم ف حاجه زي انبوبه كدا وموتهم بس فضل طفل منهم فضل عايش شوفت الناس من شباك المستشفي شايلين تلت إنعاش صغيره فيهم اطفالي كنت بصرخ بحرقه عليهم وحاسه اني روحي هتطلع وراهم وشوفت الدكتور والشرطه قبضه عليه بس بسبب الزحمه هرب منهم.