السلام عليكم ورحمة الله وبركاته حياكم الله الحلم لأختي ( أرملة وعندها ولدان في الكلية / ثانوي وعندها ٥٦ سنة ) حلمت انها في بيتنا القديم ( كنا نعيش فيه مع خالي الأرمل وأولاده في نفس الشقة ) حلمت انها نايمه على الكنبه اللي تحت الشباك في الصاله وبعدين وجدت نفسها عاوزة تدخل الحمام ضروري ولكن الدنيا ضلمه مفيش نور خالص فقالت انها تذهب إلى أي حد من أولاد خالي عشان يروحوا معها وفعلا دخلت الغرفه وجدت ( سهام / أسماء بنات خالي ) نايمين فقالت تعالي معي يا سهام الحمام عشان الدنيا ضلمه وفعلا ذهبت معها ودخلت تعمل حمام ورغم أنها كانت مزنوقة جدا إلا أنها عملت بول بسيط جدا وقالت ل بنت خالي شوفتي انا عملت شويه صغيرة جدا ولكن أكنها نار نازلة وخرجت وعادت إلى الكنبه مرة أخرى فوجدت الفجر يؤذن فقامت و توضأت لكي تصلي ولكن كانت الدنيا نور ووجدت جدي رحمه الله والد أمي جاي عليها وقال لها صباح الفل فقالت له أحلى صباح يا جدي ( ملحوظه كانت تقول انه في الحلم يشبه الشيخ أبو إسحاق الحويني ) و رمى طباشيرة على الأرض وزي ما يكون كانت محطوطه في غطاء قلم وعندما ذهبت لتأخذها وجدت الغطاء فارغ وبعدين جاءت سهام بنت خالي وقالت لها أين الحسيرة التي كانت مفروشه في الصاله أنتم أخذتوها فقالت لها لا وبعدين قالت تعالي نشوف يمكن تكون في غرفة أمي رحمه الله وفعلا وجودوها ولكنها مقطعه فقالت أختي خلاص ده مقطعه نبقى نجيب غيرها وخرجت في الصاله فوجدت أختي الكبيرة ماسكه قلم وعماله ترسم على الحيطه أشكال غريبه تشبه حاجات الصوفيه فقالت لها أختي والله يا رضا ( اسم أختي الكبيرة رضا ) والله يا رضا لو ما مسحتي اللي انت بتعمليه ده هزعلك وفضلت تكرر هذة الكلمات وقالت انا لازم ادخل أجيب حاجه من ملابسها وامسحها بيها جزاءا لها ودخلت تجيب قميص داخلي فوجدته عندما خرجت شورت داخلي ووجدت الرسوم اللي كانت على الحيطه ممسوحه إلا القليل فمسكت الشورت وقعدت تمسح ما تبقى ولكن كان صعبا في المسح وقامت على ذلك ملحوظه البيت ده اتهد من فترة واتبنت مكانه عمارة