قبل م احكي الحلم ( انا عندي صاحبة اسمها سارة و صاحبة اسمها مايا ، سارة دي كانت مخطوبة بس محصلش نصيب و انفصلت عن خطيبها ، خطيبها ده عارفني وكنت بنزل معاهم هو و صحبتي و كده ) . حلمت ان خطيب سارة مش عايزها ف الحلم و بيكلمني بيقولي انه عايز ينهي معاها وانه عايزني انا و هو خايف يقولها كده عشان خايف علي مشاعرها لان ابوها و امها متوفيين وانا في الحلم كنت حباه و بعدين الحلم اتلغبط كده و كنا ف البحر انا و سارة و مايا و سارة دي كانت في الحلم معاها ازازة مايه و عايزه توصلها لخطيبها بس مش لقياه روحت انا قولتلها هاتيها انا ادهاله الا تتغرقي من ماية البحر و انا مشيت علي الشط ادور عليه و رجلي جيه عليها ماية البحر و سارة كانت ورايا وانا عماله اسبقها لحد م لقيته و حدفتله ازازة المايه و اخدها بعدين الحلم اتلغبط تاني و ف الحلم انا و مايا و خطيب سارة كنا ماشيين و خطيب سارة ماسك ايدي و ف الحلم كان مايا هي اللي خطيبته مش سارة و عماله تقوله انا اسفه انا غلطانه انا بحبك متسبنيش هو قلها مفيش حاجه والله روحت انا لقيته بدا يحن روحت سيبت ايده و مشبت قدام راح هو جري عليا و مسك ايدي و كان ( بيقفل كل صوباع ف ايدي ع كل صباع ف ايده ) و هي شافت كده راح هو قالها الواحد فينا لما بيشتري اول بيت ليه بيبقي بالنسباله البيت ده مفيش احلي منه بس مع الوقت بيزهق و بيبقي عايز بيت احلي و اكبر راحت هي قالت كلام مش فكراه ف الحلم و مشت و سابتنا وانا كنت هروح وراها راح هو شدني و قالي سبيها .