الحلم غريب جدا بس فيه عفاريت كانوا بيحاوطوني من كل مكان وفي كل حته حواليا وكانوا بيأذوا كل الناس اللي بتحاول تخلصني منهم حرفيا كانوا موجودين معايا في كل مكان مكانوش بيسيبوني كانوا بيقعدوا يتكلموا معايا بس كلامهم وصوتهم كان عادي بس انا ببقي خافيه في الحلم بقعد اصوت وانده اي حد معايا ساعات مكنش حد بيرد عليا وساعات تانيه لما حد كان بيرد كان بيقول انه بيتهيألي وان مفيش حاجه اصلا بس بجد الجن ده او العفريت لما كان حد بيصدقني أو بيحاول يساعدنا علشان نمشي العفريت ده كان بيأذيه اكان معايا اتنين صحابي في الحلم وكانوا مصدقين اني صح وان في عفريت بجد واحده منهم دخلت الحمام واتأخرت اوي قعدنا نخبط علي الباب مش بترد ننده بردو مش بترد لحد ما كنا بنخبط جامد اوي العفريت فتح الباب وبين حته من وشه كده ورجع قفل تاني انا ساعتها صحيت بقي مقدرتش اكمل الحلم العفريت كان في صوره بني آدم و مكنش صامت أو مجرد بيعمل حاجات وخلاص لا العفريت كان بيتكلم معايا كان كل شويه يتكلم ف ايه حاجه حتي في الحمام كان معايا ودي اكتر حاجه كانت مرعبه بالنسبه ليا مكنش حد في الحلم مصدقني خالص علشان انا بس اللي كنت بشوفه وبسمعه شكله كان ملامح بني ادم عادي بس كان مخيف هو اصلا بين جزء صغير من وشه بحيث اني اخاف وأبطل تخبيط علي الباب ملامح وشه مش مريحه العفريت كان بيتكلم معايا صوته منتشر حواليا وانا مش شايفاه للعلم الحلم ده اتكرر كذه مره بس باختلاف الأحداث