حلمت اني كنت قاعدة في مكان زي اوتيل وكنت في اوضتي ومعايا صديقة وبعدين صديقتي نزلت تجيب حاجة وانا خرجت اجيب اكل ورجعت لاقيت ان حاجتنا بيطلعوها بره الاوضة طبعا اتعجبت وبسأل ايه بيحصل رد عليا واحد من الموظفين قالي هناخد الاوضة لان اللي عاوزنها اكتر عددا وانتو اتنين قولالو ازاي تخرجونا من مكانا بدون حتي استئذان انا هقلب الدنيا وهجيبلكو اللي يقفل الاوتيل قالي برحتك وجنبه بنتين كانو مبتسمين بشماتة ومبسوطين انهم هياخدو الاوضة وجبت المدير وقالي نفس الكلام وجريت علي واحد في الاصل هو مسافر وفجأة لاقيته موجود في الاوتيل والشخص دا انا بحبه في الواقع روحت وقولت دا اللي هيجبلي حقي وهيقلب الاوتيل علي طريقة تعاملهم واما روحتله بقيت احكيله ومتعصبة ولاقيته فجأة بيقولي ايه المشكلة سيبي الاوضة وروحي غيرها قولتله انا مش اعتراضي علي الاوضة انا اعتراضي علي الاهانة وطريقة التعامل الغير ادمية ياعني لو استأذنو عمري ماكنت اعترض انما يرمو حاجتي ويدخلو الغرفة بدون حتي تقدير انا عاوزة حقي في اهانتي قدام البنات اللي كانت شمتانة وبتضحك عليا قالي انتي مكبرة الموضوع عديها طبعا اتصدمت من رد فعله وبعدين قولتله هو انت ازاي هنا في العين السخنة مش مفروض انك مسافر ومش عارف تنزل مصر مردش سيبته وطبعا مصدومة من رد فعله وكنت ببكي انه منصفنيش