حلمت اليوم بحلم غريب كان عادي جدا بالبدايه اننا اخدنا استراحه انا و أهلي وكان معنى عائله اجنبيه كنا نساعد بعض واصدقاء وعادي، وفجأه بالحلم جتني امرأه اجنبيه تشتكي لي تقولي أن قطتها فيها ظواهر غريبه وكذا وانها تبحث عن الرجل الأجنبي الي هو جارنا أو صديقنا بالاستراحه عشان يشوفها، وقتها انا كلمتها وقلت لها القطه حقتك مافيها الا جن تلبسها واذا تبغين اعطيني اياها ارقي عليها، طبعا المرأه ترددت وراحت بالنهايه هي مو مسلمه وما تعرف وش الجن...، وانا استغربت بالحلم انه ليس قلت لها كذا وهم اصلا ما يؤمنون بالقرآن... وبعد شوي فعلا المرأه جابت لي قطتها وكانت اما برتقاليه أو سوداء ما اتذكر مره لونها بس احس انها برتقاليه.. واخدت القطه وحطيتها على الارض وجلست ارقيها رقيه شرعيه (رغم اني ما اعرف ارقي اي احد غير نفسي) وكنت فعلا ارتل القرآن بالترتيب من سوره الفاتحه واكرر المعوذات وكان بالبدايه صوتي متردد وغريب وفجأه سمعت صوت راقي ما ادري من وين جا جالس يرقى بلساني بصوت جميل جدا، والقطه قعدت تخربشني وتحاول تهرب بس مسكتها الين كررت عليها اسالك بالله العظيم رب العرش العظيم ان تخرج منها!.. مرارا وتكرارا حتى تكلم الجن بداخل القطه وقالي مارح اطلع... قلت له انا اسالك بالله هل انت تتجراه على الله بالرفض؟... وانه لو ماخرجت منها الان بيني وبينك انك اذيتني عند رب العالمين وماراح اسامحك... وفعلا الجني خاف وقال بطلع قلت له هذا أفضل لك ترا بالنهايه هي مجرد قطه عشان تتحدى ربي عشانها... وفعلا القطه استفرغت وانت بكرامه رز وطلع منها، والبسه رجعت طبيعيه.. والبنت الي كانت ماهي مسلمه صاحبة القطه نفسها مبهوره يوم شافت الي سواه معجزه القرآن واخدت قطتها وشكرتني (هذي نهايه الحلم... وانا مستغربه جدا ليش حلمت كذا حلم مخيف وغريب)