الحلم دا من سنه ..حلمت اني ف مكان واسع اشبه بالمسجد وكنت قاعده فيه ببص ع باب المكان فجأة شفت شخص اعرفه(ف الحقيقة خارج الحلم احنا زمايل وانا معجبه به وكنت بحس انه بيبادلني الإعجاب بس مصرحليش) ارجع للحلم لما شفته ف الحلم قلبي وقع كده واحرجت جدا وقومت من المكان دا لاوضه تانيه صغيره وقولت لنفسي ف الحلم لو انا وحشته زي ما هو وحشني هيجي ورايا الاوضه وفعلا دخلت الاوضه وقعدت ع كرسي لقيته داخل ورايا وقاعد ع حرف سرير قصادي ف الاوضه لقيته بيقولي انا رايح الجيش والمشوار قدامي طويل فانسيني فقولتله عادي هستناك فابتسملي ابتسامه جميله اوي وقالي شكلك مرهق اوي فابتسمتله وقولتله وانت برده باين عليك الارهاق وفضلنا مبتسمين لبعض لغايه فجأة ظهرت بنت كده قصيره ونحيفه بس ضهرها كان ليا ووشها ليه وفضلت تتدلع عليه وعايزه تفصل ما بيني وبينه وقعدت على رجليه بس ف الاخر بصلي وفضل مبتسم ولقيته اخدني مكان كده كان شقه بس ع الطوب الأحمر ولقيت واحده هناك قالي دي امي وكانت مرحبه وفرحانه بيا اوي وفجأة لقيت الشقة دي كلها فراخ وحمام وطيور كتيره اوي وصحيت من النوم.....ف الحقيقه بقى تاني يوم لقيته ناشر منشور انه رايح الجيش......والحلم دا من سنه.. من اسبوع لقيته خاطب واحده زميليتنا وهي قصيره ورفيعه برده وكانت بتطارده ف كل مكان علشان تلفت نظره ويعجب بيها ويتقدم لها..وفعلا خطبها من اسبوع ف نفس الميعاد اللي كنت شايفه فيه الحلم بس بعدها بسنه بالظبط ومعلش هو حلم تاني بس متصل بالأول....كنت عالطول بحلم ان زميلي دا موكل حد من اخواته يكتب كتابه عليا ولما ياجي الدور عليا اقوم من النوم وميتكتبش كتابي عليه... ودا كمان لانه لنفس الشخص ...ف ليله اخر يوم من شعبان السنادي حلمت اني داخله بيتي لقيته اخوه الكبير عندنا وقاعد مع بابا وجاي يتقدملي لاخوه ففرحت اوي فلقيت ماما عامله اكل وبتقولي روحي حطلهم الاكل بفتح الحلل لاقيت محاشي مشكل وفراخ وانا قعدت اقول لماما مش قولتلك انه بيحبيني .... ف الحقيقه بقى الحمد لله انا شخص ملتزمه جدا ف صلاتي وبصلي نوافل وتهجد وكنت بدعي ربنا انه يبقى من نصيبي وخصوصا بعد الأحلام دي وهو شهرين وهيخلص الجيش وكنت مستنياه فعلا وفجأة اتفاجئت انه خطب زميلتنا دي وانا ف حاله نفسيه سيئه جدا